right side
Nyuma y’uko abasirikare bagenda bayitenguha, FARDC yiyemeje kwinjiza urubyiruko rwiganjemo n’inkumi
kuya 17-08-2012 saa 07h00' | 2   | 911  yanditswe na Ancille N.ndikuryayo

Igisirikare cya Repuburika Iharanira Demokarasi ya Kongo FARDC cyatangaje ko kigiye kwinjiza abandi basirikare bagizwe n’urubyiruko kugirango Kongo Kinshasa ibashe kurwanya M23 muri Kivu y’amajyaruguru.

Minisitiri w’itangazamakuru Lambert Mende yatangaje ko Guverinoma ya Kongo Kinshasa ishishikariza urubyiruko rwose rwaba urw’abakobwa n’abahungu kujya mu gisirikare mu rwego rwo kongera ingufu mu kurinda umutekanow’igihugu.

Yagize ati : « Dukeneye kuvugurura igisirikare cyacu tukagishyiramo abahungu n’abakobwa bashoboye gukora neza bagasimbura abahawe ikiruko ».

« Hari abakoreye igisirikare imyaka 30 bagombaga guhabwa ikiruko cy’izabukuru, n’abandi bagikoreye imyaka myinshi nka 60,abo bose basize icyuho mu gisirikare cyacu,tugomba rero kubasimbuza abandi bashyashya ».

Mende avuga ko kuba FARDC irimo kwakira abasirikare bashya ari ngombwa kuko icyo Guverinoma igamije ari ukwirukana M23 mu duce twose twa Kongo bityo rero ngo igisirikare gikeneye ingufu nyinshi.

Impungenge ku baturage ba Kongo Kinshasa ni zose,bavuga ko bafite ubwoba kuko ngo babona igisirikare cya Kongo nta bushobozi gifite bwo kurwanya umutwe wa M23.

Abakora ubushakashatsi babona igisirikare cya Kongo Kinshasa ibituma kivumbagatanya ari byinshi birimo kuba abasirikare bafashwe nabi,badahembwa neza ndetse n’umutwe wa M23 nawo ukaba warabaciye intege.

Mende yemera ko abasirikare babo badafashwe neza ariko agahakana ko batinye kurwana n’ingabo za M23.

« Ntabwo twagera aho abasirikare banga kurwanirira igihugu, ikibazo twagize ni uko twabuze intwaro kuko twarwanyijwe kuva mu myaka 10 kandi abaturwanya bo bafite ubufasha n’ubushobozi bwo kubona intwaro,ntabwo ari abasirikare banze kurwana ahubwo ni icyo kibazo twahuye nacyo ».

Ku kibazo cy’umushahara w’abasirikare ,Mende yavuze ko bagiye kugishakira umuti.Yagize ati :« Iki kibazo ntabwo kiri ku basirikare gusa ahubwo kiri ku bakozi bose nk’abarimu ndetse n’abamisitiri ariko tugiye gushyiraho uburyo bushya bwo guhemba abakozi ba Leta harimo n’abasirikare ».

Igisirikare cya Kongo ubusanzwe gihembwa na MONUSCO naho Akanama k’umutekano gashinzwe kwishyura abasirikare barinda umutekano w’abaturage ariko ntigashinwe guhemba abajya mu ntambara.

Nyirandikuryayo Ancille

Umuryango.com

Ibitekerezo byatanzwe kuri iy'inkuru
#1.Yanditswe na Kabeya Francis Kuya 18-08-2012 saa 07:57"

Yewe , reka nkubwire , ndi Rubavu kandi navukiye Kongo , iki Gihugu giteye gahinda kuko gushyira abasirikari mu gisirikare utazafata neza ni ukugwizabagome .Umukongomana w’inshuti yanjye naramubajije nti : pourquoi est-ce que vous tracassez la population alors que vous êtes sensés la protéger ? uzi ko mu bintu bazi ari ukuvuga , aransubiza ati : Ignorez-vous que une armée impayée est un danger pour la société ? Ndumirwa .
Nguhe indi nkuru ; yewe twe tuba hano i Gisenyi tugakurikirana radio za Kongo na Télé , dore ko ari nyinshi twarumiwe . Nawe se , nakurikiranye ikiganiro ejo hashize bakunda kwita Jukwa la Fikra cya radio Kivu 1 , bo ubwabo bavuga ko abantu bicwa n’impanuka zo mu muhanda kuli Goma baruta abapfa mu ntambara wumva bavuga , bivugira ko kuli Goma honyine hapfa abantu babiri ku munsi udashyizemo abakomereka n’ibindi byangirika . None ukibaza uti ese aba nabo ni M23 ibica, ni imodoka z’u Rwanda se zibagonga zoherejwe na Kagame ? ubundi ukibaza uti ese ziriya Ngabo 4.000 bagiye gushyirayo twumva , n’icyo kibazo zizakirangiza ? Kongo yarapfuye , nabo ubwabo baba bivugira ko :Le Congo est en enfer.
Mukuvuga impamvu zituma aba bantu bapfa , bavuga ko biterwa n’abo bita abaroraje ( Police roulage) , ngo bava mu rugo bagiye gushaka ayo kurarira , uje anywa Kanyanga ari kuli Volant , atelefona se , atwaye imodoka yakabaye itagikwiriye nkuba mu muhanda , n’ibindi bibi byinshi ; akaza yapfunyitse ikiganza kirimo 500 fr congolais , ubwo agahita kandi ngo usanga agera kuli rolaje umugani wabo nta bwoba . Tekereza abicwa n’indege ziba zatendetse , zitagira manifeste ; wabonye aho indege itendeka koko ? ikagira 230 personnes au lieu de 180 yemerewe ? ibi byabaye ku ndege yaguye Kisangani ya Hewa Bora , ni iya Kabila na famille ye ; uyu Nyakunyagwa agiyeyo , bagira ngo ahururiye iryo sanganya ryabaye , naho agiye kubwira abantu be ko bahisha imwe mu mirambo , hagasigara imirambo ingana n’umubare w’abantu indege yari ikwiriye gutwara .Ubwo ikibabaje ni uko mu mirambo yabuze ihishwa haburiyemo n’uwumukobwa wa Senateri Rwigamba Barinda wavaga Kinshasa. Bara abicwa n’amazi mabi , kutivuza , kutagira centre de santé n’imwe yubakwa , amaherezo ariko usanga hari bantu besnhi bamaze kumenya ukuri rwose kandi bajijutse , kuko aho mperukiyeyo mu cyumweru gishize , uretse abanyepolitike n’abandi babifitemo inyungu z’ububwa ; abandi bifuza impinduka , dore ko rwose bo bavuga bari M23 nayo nakawiya kukamata Goma , batuhurumiye bakamate juu tunacoka , ndumva igiswahiri ucyumva . Yewe reka ndekere aho n’ubishaka nzajye nguha amakuru menshi nta kiguzi .Ibyo nkubwira ni ukuri sinkubeshya ndi intellectuel, wavukiye hariya ndahakurira kugeza ngize 31 ans , amakuru yose ndayumva , dore ko n’indimi zaho zose ntazo ntumva nta mpamvu yo kukubeshya .
#2.Yanditswe na Kabeya Francis Kuya 18-08-2012 saa 07:38"

Yewe , reka nkubwire , ndi Rubavu kandi navukiye Kongo , iki Gihugu giteye gahinda kuko gushyira abasirikari mu gisirikare utazafata neza ni ukugwizabagome .Umukongomana w’inshuti yanjye naramubajije nti : pourquoi est-ce que vous tracasser la population alors que vous êtes sensés la protéger ? uzi ko mu bintu bazi ari ukuvuga , aransubiza ati : Ignorez-vous que une armée impayée est un danger pour la société ? Ndumirwa .
Nguhe indi nkuru ; yewe twe tuba hano i Gisenyi tugakurikirana radio za Kongo na Télé , dore ko ari nyinshi twarumiwe . Nawe se , nakurikiranye ikiganiro ejo hashize bakunda kwita Jukwa la Fikra cya radio Kivu 1 , bo ubwabo bavuga ko abantu bicwa n’impanuka zo mu muhanda kuli Goma baruta abapfa mu ntambara wumva bavuga , bivugira ko kuli Goma honyine hapfa abantu babiri ku munsi udashyizemo abakomereka n’ibindi byangirika . None ukibaza uti ese aba nabo ni M23 ibica, ni imodoka z’u Rwanda se ? undi ukibaza uti ese ziriya Ngabo 4.000 bagiye gushyirayo , n’icyo kibazo bazakirangiza ? Kongo yarapfuye , nabo ubwabo baba bivugira :Le Congo est en enfer.
Mukuvuga impamvu zituma aba bantu , bapfa , bavuga ko biterwa n’abo bita abaroraje ( Police roulage) , ngo bava mu rugo bagiye gushaka ayo kurarira , uje anywa Kanyanga ari kuli Volant , atelefona se , atwaye imodoka yakabaye itagikwiriye nkuba mu muhanda , n’ibindi bibi byinshi ; akza yapfunyitse ikiganza kirimo 500 fr congolais , ubwo agahita kandi ngo usanga agera kuli rolaje umugani wabo nta bwoba . Tekereza abicwa n’indege ziba zatendetse , zitagira manifeste ; wabonye aho indege itendeka koko ? ikagira 230 persone au lieu de 180 ? ibi byabaye ku ndege yaguye Kisangani ya Hewa Bora ni iya Kabila na famille ye ; uyu Nyakunyagwa agiyeyo , bagira ngo ahururiye iryo sanganya ryabaye , naho agiye kubwira abantu be ko bahisha imwe mu mirambo , hagasigara imirambo ingana n’umubare w’abantu indege yari ikwiriye gutwara .Ubwo ikibabaje ni uko mu mirambo yabuze ihishwa haburiyemo n’uwumukobwa wa Senateri Rwigamba barinda wavaga Kinshasa. Ywe reka ndekere aho n’ubishaka nzajye nguha amakuru menshi nta kiguzi .

Andika Igitekerezo Hano