| 173 
yanditswe na Ernest Ndayisaba
Ubundi mu buzima busanzwe, biragoye kugeza ku mubare w’impamyabushobozi ungana gutya kuko akenshi umuntu aba akora byinshi bitandukanye byamufasha kubaho bityo uwo mwanya wo kwiga ntawubone.
Michael Nicholson
Nk’uko tubisoma ku rubuga rwa interineti,gentside.com, Michael Nicholson wiga muri Leta Zunze Ubumwe za Amarika, muri uyu mwaka araba akora ibirori byo kwishimira ko arangije kugira impamyabushobozi ya 29.
Uyu mugabo nk’uko abyivugira mu gitangazamakuru, ABC News avuga ko we yakomeje kwiga, agakora uturaka dutuma akomeza kwirihira amashuri, kandi akaba ateganyaga kuzabona impamyabushobozi nyinshi zishoboka mu buzima bwe.
Muri izo mpamyabushobozi yibitseho harimo izo mu rwego rwa masters (ikiciro cya gatatu cya kaminuza) 22 na doctorat imwe, kandi izo mpamyabushobozi zose zikaba zerekeye ku burezi (education), kuko nibyo yahisemo kandi arabikunda.
Michael kandi ateganya guhita akomeza kwiga mu mwaka w’amashuri uzakurikiraho kuko ateganya nibura kugeza ku mpamyabushobozi 33 cyangwa 34. Akomeza avuga ko nazirangiza azaba ashoje amashuri ye, akaba ateganya kuzaba nibura ageze mu myaka 80. Abanga kwiga mwumvireho.
Ifoto : mlive.com
NSENGUMUREMYI Jean Baptiste
Umuryango.com
