| 1 
| 199 
yanditswe na Ernest Ndayisaba
Igihugu cya Afurika yo hagati (Republique centrafricaine) kirashinja abarwanyi b’umutwe wa LRA ukomoka mu gihugu cy’Ubugande kwigarurira uruganda Areva rw’abafaransa rutunganya Uranium ruri mu gace ka Bakouma.
Nkuko bitangazwa na radiyo Ndeke Luka,abasirikare ba FACA (Forces armées centrafricaines) baguwe gitumo n’aba barwanyi baje bitwaje intwaro ziremereye maze barabarasa ndetse babafatamo bamwe,kugeza ubu urwo ruganda rukaba ruri mu maboko y’abo barwanyi.
Iyi Radiyo ikomeza ivuga ko kugeza ubu nta mubare uramenyekene w’abaguye muri iyi mirwano mu gihe n’abafashwe mpiri bataramenyekana.
Amwe mu makuru ariko ,akaba avuga ko umukuru ushinzwe ibikorwa muri urwo ruganda rwa Areva mu gihugu cya Afurika yo hagati, Jean-François Millian yaba yaguye muri icyo gitero hamwe n’abandi bakozi bane bafite inkomoko yo mu Bufaransa.
Iki gihugu kugeza ubu kikaba gishinja umutwe wa LRA wa Joseph Kony ubusanzwe ujya ugira ibikorwa muri ako gace kuba inyuma y’iki gitero. Umuryango w’Afurika yunze ubumwe ufatanyije na Leta Zunze Ubumwe z’Amerika ukaba uherutse gushyiraho bwo kurwanya abarwanyi b’uyu mutwe ukomeje guhungabanya umutekano mu bihugu binyuranye.
Ernest NDAYISABA
Umuryango.com
