Mu gihugu cya Suwede, inama rusange yarateranye ndetse hanakurikiraho n’ibiganiro mpaka byo gushishikariza abagabo kwihagarika bicaye nk’abagore.

Ubusanzwe bizwi ko abagabo bihagarika bahagaze ,none kugeza magingo aya hakaba hari abifuza kujya bihagarika nk’abagore ariko hakaba hari ababyifuza ndetse n’ababihakana.Iki kibazo cyo kwihagarika bahagaze, kikaba kifuzwa mu rwego rwo guharanira isuku yabo.

Sörmland,mu gihugu cya Suwede bakaba bavuga ko bagiye kwiga kuri iki kibazo basanga ibitekerezo by’aba bantu bifatika bagahita babishyira mu mategeko agenga iki gihugu.Urubuga rwa interineti yahoo.fr dukesha iyi nkuru, rukaba rutangaza ko abana b’abahungu bo muri iki gihugu bazajya batozwa uyu muco kuva bakivuka iri tegeko ni riramuka ryemejwe .

Viggo Hansen, wazanye iki giterezo cy’uko abagabo bazajya bihagarika bicaye, akaba avuga ko impamvu ari byiza ari uko byongera igihe kirekire ku buzima bwo gukora imibonano mpuzabitsina ku mugabo. Uyu mugabo wazanye iki gitekerezo akaba avuga ko kwihagarika kw’abagabo mu buryo busanzwe bishobora no kuzana amakimbirane hagati y’abashakanye ,ngo kuko abagore benshi bakunda gukangurira abagabo babo kwihagarika bicaye.

NAHIMANA Diane

Umuryango.com